ҚҰПИЯЛЫЛЫҚ САЯСАТЫ
Соңғы жаңартылған күні: [11.04.2026]
1. Анықтамалар
1.1 Осы Құпиялылық саясатының мақсаттары үшін төменде келтірілген анықтамалар мынадай мағынада пайдаланылады:
«Компания» Қазақстан Республикасының заңнамасына сәйкес тиісті түрде тіркелген заңды тұлға, Қосымшаның құқық иеленушісі болып табылатын "FATON" жауапкершілігі шектеулі серіктестігін, БСН 260340014002, білдіреді;
«Пайдаланушы» немесе «Пайдаланушылар» Пайдаланушы келісімінде айқындалған талаптармен Қосымшаны (i) Тауарларға Тапсырыстар рәсімдеу және (ii) Жөнелтілімдерді жеткізуді рәсімдеу үшін пайдаланатын әрекетке қабілетті жеке тұлғаны білдіреді;
«Қосымша» Пайдаланушыларға Қызметтерге қол жеткізу үшін Пайдаланушы келісімінде көрсетілген талаптармен ұсынылатын мобильді құрылғыларға арналған «FATON» бағдарламалық жасақтамасын білдіреді;
«Қызметтер» Қосымша арқылы Пайдаланушыға қолжетімді қызметтердің жиынтығын, соның ішінде: Тауарларға Тапсырыс беруді; Тауарларды жеткізуді; Жөнелтілімдерді жеткізуді білдіреді;
«Тауар» Серіктестер сатуға және/немесе дайындауға (қолданылатын жағдайларда) ұсынатын және Қазақстан Республикасының заңнамасында оларды өткізуге тыйым салынбаған жағдайда Пайдаланушы Қосымша арқылы тапсырыс бере алатын кез келген тауарларды, өнімдерді немесе заттарды, соның ішінде, бірақ олармен шектелмей, азық-түлік өнімдерін, дайын тағамдарды, сусындарды, сондай-ақ азық-түлік емес тауарларды (оның ішінде киім-кешекті, гигиена құралдарын, тұрмыстық және өзге де тауарларды) білдіреді;
«Жөнелтілім» Пайдаланушы Қосымша арқылы басқа тұлғаға жеткізу үшін беретін құжаттарды, хат-хабарларды, сондай-ақ өзге де заттар мен тауарларды білдіреді. Пайдаланушы жөнелтуші мен алушыны көрсете отырып, Жөнелтілімді кез келген А нүктесінен кез келген Б нүктесіне жеткізуге тапсырыс бере алады;
«Серіктес» Қосымша арқылы Тапсырыс рәсімдеген кезде Қосымша Пайдаланушыларына Тауарларды дайындауды және/немесе сатуды жүзеге асыратын заңды тұлғаны немесе жеке кәсіпкерді, сондай-ақ мұндай функция Қосымшада көзделген жағдайларда Қосымша Пайдаланушыларына Тауарларды жеткізуді жүзеге асыратын тұлғаны білдіреді. «Саясат» осы құпиялылық саясатын білдіреді;
«Төлем провайдері» банк карталарын және өзге де электрондық төлем құралдарын пайдалана отырып төлемдерді өңдеу және жүргізу бойынша қызметтер көрсететін, сондай-ақ картаны шығарған банк, эквайер-банк және Компания арасындағы технологиялық өзара іс-қимылды қамтамасыз ететін заңды тұлғаны немесе төлем ұйымын білдіреді;
«Курьер» Компанияның қызметкері болып табылмайтын, Жөнелтілімдерді және/немесе Тауарларды жеткізу бойынша қызметтер көрсететін заңды тұлғаны, жеке кәсіпкерді немесе жеке тұлғаны білдіреді;
«Тапсырыс» Пайдаланушының Қосымша арқылы Қызметтерді алу үшін Қосымша арқылы рәсімдеген сұрауын білдіреді;
«Дербес деректер» тікелей немесе жанама түрде айқындалған немесе айқындалатын жеке тұлғаға (дербес деректер субъектісіне) қатысты, Компания Қосымша арқылы Пайдаланушы келісіміне сәйкес өз қызметтерін көрсету барысында алатын немесе өңдейтін кез келген ақпаратты білдіреді.
2. Жалпы ережелер
2.1. Осы Саясат құқық иеленушісі Компания болып табылатын Қосымша Пайдаланушыларының дербес деректерін жинау, өңдеу, сақтау және қорғау тәртібін айқындайды.
2.2. Саясат Қазақстан Республикасының заңнамасына, соның ішінде Қазақстан Республикасының «Дербес деректер және оларды қорғау туралы» Заңына сәйкес әзірленген.
2.3. Қосымшаны пайдалана отырып, Пайдаланушы осы Саясаттың талаптарымен өзінің дербес деректерін жинауға және өңдеуге келісімін береді. Бұл ретте Пайдаланушы өзінің дербес деректерін жинау мен өңдеудің мақсаттары мен шарттарын түсінеді.
2.4. Осы Саясаттың талаптарымен келіспеген жағдайда, Пайдаланушы Қосымшаны пайдалануды тоқтатуға міндетті.
2.5. Компания Пайдаланушы ұсынған дербес деректердің дұрыстығын тексермейді, алайда Пайдаланушы өзекті дербес деректерді ұсынады деп есептейді. Дұрыс емес және/немесе қате дербес деректерді ұсынудан туындаған салдарлар үшін жауапкершілікті Пайдаланушы көтереді.
2.6. Пайдаланушының дербес деректері осы Саясатта көрсетілген мақсаттарға қол жеткізу үшін қатаң түрде қажетті көлемде өңделеді және Пайдаланушының қосымша келісімін алмай өзге мақсаттарда пайдаланылмайды.
- Дербес деректер операторы Дербес деректер операторы:
"FATON" жауапкершілігі шектеулі серіктестігі БСН 260340014002 Заңды мекенжайы: Қазақстан, Алматы қаласы, Әуезов ауданы, Жандосов көшесі, 87-үй, пошта индексі 050043 Электрондық пошта: info@faton.kz
4. Компания жинайтын дербес деректер
4.1. Компания дербес деректердің мынадай санаттарын жинауы мүмкін:
4.1.1 Қосымшада Пайдаланушының есептік жазбасын жасауға арналған тіркеу деректері:
•аты, тегі, әкесінің аты (егер ол жеке басын куәландыратын құжатта көрсетілсе);
• телефон нөмірі;
• электрондық пошта мекенжайы
4.1.2 Пайдаланушы профилінің деректері:
• жеткізу мекенжайлары;
• Тапсырыстар тарихы;
• Пайдаланушының қалаулары
4.1.3 Геолокациялық деректер
Қосымша Пайдаланушының геолокациялық деректеріне мына мақсаттарда қол жеткізуді сұрауы мүмкін:
• ең жақын Серіктестерді (мысалы, мейрамханаларды) көрсету;
• жеткізу мекенжайын анықтау;
• Курьерлердің маршруттарын оңтайландыру
• Тапсырысты рәсімдеу үшін Пайдаланушының орналасқан жерін анықтау;
• ең жақын Серіктестер мен Курьерлерді таңдау;
• жеткізуді ұйымдастыру;
• Тапсырыстың орындалу мәртебесін нақты уақыт режимінде қадағалау;
• алаяқтық пен теріс пайдаланудың алдын алу. Геолокацияға қол жеткізу Пайдаланушының мобильді құрылғысының баптаулары арқылы Пайдаланушының рұқсатын алғаннан кейін ғана жүзеге асырылады. Пайдаланушы кез келген уақытта геолокацияға қол жеткізуді шектеуге немесе өшіруге құқылы, алайда бұл Қосымшаның жекелеген функцияларының қолжетімділігі мен дұрыс жұмыс істеуіне әсер етуі мүмкін.
4.1.4 Төлем ақпараты
Қосымшадағы төлемдер Төлем провайдерлері арқылы жүзеге асырылуы мүмкін. Компания Пайдаланушылардың банк карталарының толық деректерін сақтамайды.
4.1.5 Техникалық деректер
Мынадай техникалық деректер автоматты түрде жиналуы мүмкін:
• IP-мекенжай;
• Қосымша орнатылған Пайдаланушы құрылғысының түрі;
• операциялық жүйенің нұсқасы;
• Қосымшаның нұсқасы;
• құрылғы идентификаторлары;
• Қосымшаны пайдалану журналдары
4.1.6 Cookies және ұқсас технологиялар
Қосымша cookies файлдарын және ұқсас технологияларды мына мақсаттарда пайдалануы мүмкін:
• Пайдаланушылардың түпнұсқалығын растау;
• пайдаланушы баптауларын сақтау;
• Қосымшаны пайдалануды талдау;
• өнімділік пен қауіпсіздікті арттыру
Cookies файлдарын Компания да, сондай-ақ аналитикалық сервистердің үшінші тарап жеткізушілері де орналастыра алады. Пайдаланушы мобильді құрылғысының баптаулары арқылы cookies файлдарын пайдалануды шектей алады.
4.1.7 Аналитика және үшінші тарап сервистері
Компания Қосымшаның пайдаланылуын талдау және қызмет көрсету сапасын арттыру үшін үшінші тараптың аналитика және мониторинг сервистерін пайдалана алады. Мұндай сервистер мыналарды қамтуы мүмкін:
• мобильді қосымшаларды талдау жүйелері;
• қателерді бақылау сервистері;
• маркетингтік аналитика құралдары
Бұл сервистер иесіздендірілген техникалық деректерді жинауы мүмкін.
5. Дербес деректерді өңдеу мақсаттары
Компания Пайдаланушылардың дербес деректерін мынадай мақсаттарда өңдейді:
- Қосымшада есептік жазбаны тіркеу және Пайдаланушыны сәйкестендіру;
- Пайдаланушының Тапсырысын қалыптастыру, өңдеу және орындау;
- Тапсырысты дайындау үшін қажетті деректерді Серіктестерге (мейрамханаларға) беру;
- Пайдаланушыға Тапсырысты жеткізуді ұйымдастыру үшін қажетті деректерді Курьерлерге беру;
- Тапсырыстарды орындау шеңберінде Серіктестермен және Курьерлермен өзара іс-қимыл жасау;
- Пайдаланушыларға клиенттік қолдау көрсету және кері байланысты қамтамасыз ету;
- төлемдерді, транзакцияларды және қаражатты қайтаруды өңдеу;
- Пайдаланушыларға ақпараттық және жарнамалық хабарламалар жіберу;
- пайдаланушы тәжірибесін талдауды қоса алғанда, Қосымшаның функционалдығы мен жұмысын жақсарту;
- алаяқтықтың, теріс пайдаланудың және өзге де құқыққа қайшы әрекеттердің алдын алу;
- Қазақстан Республикасы заңнамасының талаптарын орындау;
- Пайдаланушы, Курьер және Серіктес арасындағы байланысты қамтамасыз ету;
- Қызметтерді пайдалану кезінде Пайдаланушылардың қауіпсіздігін қамтамасыз ету;
- Пайдаланушылар мен үшінші тұлғалар арасындағы даулы жағдайларды шешу.
6. Дербес деректерді сақтау және қорғау
6.1 Пайдаланушылардың дербес деректері Қазақстан Республикасының аумағында орналасқан, қолжетімділігі шектеулі және дербес деректер субъектілерінің құқықтарын қорғаудың жеткілікті деңгейін қамтамасыз ететін серверлерде сақталады.
6.2 Компания дербес деректерді рұқсатсыз қол жеткізуден, өзгертуден, жария етуден немесе жоюдан қорғау үшін қажетті ұйымдастырушылық және техникалық шараларды қабылдайды.
7. Дербес деректерді үшінші тұлғаларға беру
7.1 Компания осы Саясатта немесе Қазақстан Республикасының заңнамасында тікелей көзделген жағдайларды қоспағанда, Пайдаланушылардың дербес деректерін үшінші тұлғаларға бермейді.
7.2 Дербес деректер үшінші тұлғаларға тек осы Саясатта көрсетілген өңдеу мақсаттарына қол жеткізу үшін қажетті көлемде ғана берілуі мүмкін:
7.2.1 Серіктестер (мейрамханалар)
Пайдаланушының Тапсырысын қалыптастыру және дайындау үшін Серіктестерге мынадай дербес деректер берілуі мүмкін:
• Пайдаланушының аты, тегі, әкесінің аты (егер ол жеке басын куәландыратын құжатта көрсетілсе);
• Пайдаланушының телефон нөмірі;
• Тапсырыс туралы ақпарат (Тапсырыстың құрамы, Пайдаланушының тапсырысқа қатысты түсініктемелері).
7.2.2. Курьерлер
Пайдаланушыға Тапсырысты жеткізуді ұйымдастыру және жүзеге асыру үшін Курьерлерге мынадай дербес деректер берілуі мүмкін:
• Пайдаланушының аты, тегі, әкесінің аты (егер ол жеке басын куәландыратын құжатта көрсетілсе);
• Пайдаланушының телефон нөмірі;
• жеткізу мекенжайы;
• Пайдаланушының жеткізуге қатысты түсініктемелері. Егер Пайдаланушы Тапсырысты рәсімдеу кезінде Пайдаланушының өзі болып табылмайтын жөнелтушіні және/немесе алушыны көрсетсе, Компания аталған тұлғалардың дербес деректерін Жөнелтілімді жөнелтушіден алушыға жеткізу мақсатында ғана жинайды және өңдейді.
Бұл ретте Пайдаланушы Компанияның Пайдаланушы Тапсырысын орындау үшін жөнелтуші мен алушының дербес деректерін жинауына және өңдеуіне олардың келісімін алғанына кепілдік береді.
7.2.3. Төлем провайдерлері
Төлемдер мен қаражатты қайтаруды өңдеу үшін Төлем провайдерлеріне мынадай деректер берілуі мүмкін:
• Пайдаланушының аты, тегі, әкесінің аты (егер ол жеке басын куәландыратын құжатта көрсетілсе);
• Тапсырыс нөмірі;
• төлем сомасы;
• төлем мәртебесі;
• транзакция идентификаторы.
7.2.4. Техникалық инфрақұрылым жеткізушілері (хостинг-провайдерлер, бұлттық сервистер)
Қосымшаның жұмыс істеуін қамтамасыз ету үшін мұндай тұлғаларға мынадай дербес деректер қолжетімді болуы мүмкін:
• Пайдаланушының аты, тегі, әкесінің аты (егер ол жеке басын куәландыратын құжатта көрсетілсе);
• Пайдаланушының телефон нөмірі;
• Пайдаланушының электрондық пошта мекенжайы;
• Тапсырыстар тарихы;
• IP-мекенжай;
• Қосымшаны пайдалану күні мен уақыты туралы деректер.
7.2.5. Аналитикалық сервистер
Қосымшаның пайдаланылуын талдау және оның функционалдығын жақсарту үшін мынадай деректер берілуі мүмкін:
• IP-мекенжай;
• құрылғының түрі;
• құрылғының операциялық жүйесі;
• Қосымшаның нұсқасы;
• Пайдаланушының Қосымшадағы әрекеттері туралы деректер (экрандарды ашу, Тапсырысты рәсімдеу, Тапсырыстан бас тарту).
7.2.76 Жөнелтілімдерді алушылар
Жөнелтілімдерді жеткізу кезінде дербес деректер алушыға және/немесе Курьерге берілуі мүмкін:
- жөнелтушінің және/немесе алушының аты;
- телефон нөмірі;
- жеткізу мекенжайы;
- жеткізуге қатысты түсініктемелер.
8. Пайдаланушының дербес деректерді жинауға және өңдеуге берген келісімінің қолданылу мерзімі
8.1 Пайдаланушының дербес деректерді жинауға және өңдеуге берген келісімі оны берген сәттен бастап дербес деректерді өңдеу мақсаттарына қол жеткізілгенге дейін немесе Пайдаланушы оны кері қайтарып алған сәтке дейін қолданылады.
8.2 Пайдаланушының дербес деректері оларды өңдеу мақсаттары үшін қажетті мерзімнен артық сақталмайды, оның ішінде Пайдаланушының Қосымшадағы есептік жазбасын пайдалану кезеңі ішінде сақталады. Пайдаланушы есептік жазбасын жойған жағдайда, Қазақстан Республикасының заңнамасында белгіленген мерзімдер ішінде сақталуға жататын деректерді (оның ішінде бухгалтерлік есеп, салық есептілігі және жасалған төлем операцияларын растау мақсаттары үшін) қоспағанда, дербес деректер жойылуға немесе иесіздендірілуге жатады.
9. Дербес деректерді трансшекаралық беру
9.1 Компания Пайдаланушылардың дербес деректерін трансшекаралық беруді жүзеге асырмайды.
9.2 Дербес деректерді жинау, сақтау және өңдеу жөніндегі барлық операциялар Қазақстан Республикасының аумағында жүзеге асырылады.
9.3 Дербес деректерді трансшекаралық беру қажеттілігі туындаған жағдайда, мұндай беруді Компания Қазақстан Республикасының дербес деректерді қорғау туралы заңнамасының талаптарын сақтаған жағдайда ғана жүзеге асырады.
9.4 Бұл ретте Компания үшінші тұлғалар (оның ішінде Серіктестер, Курьерлер, Төлем провайдерлері және өзге де қызмет жеткізушілері) дербес деректерді өз бетінше және Компанияның бақылауынан тыс трансшекаралық берген жағдайда, мұндай ықтимал трансшекаралық беру үшін жауапкершілік көтермейді.
10. Дербес деректерді жалпыға қолжетімді дереккөздерде тарату
10.1 Компания Пайдаланушылардың дербес деректерін жалпыға қолжетімді дереккөздерде таратуды жүзеге асырмайды.
10.2 Қазақстан Республикасының заңнамасында тікелей көзделген жағдайларды қоспағанда, Пайдаланушылардың дербес деректерін Компания ашық қолжетімділікте орналастырмайды және Пайдаланушының келісімінсіз жалпыға қолжетімді дереккөздерде жариялау үшін бермейді.
11. Пайдаланушының құқықтары
11.1 Пайдаланушы мыналарға құқылы:
- өзінің дербес деректері және оларды өңдеу туралы ақпарат алуға;
- дұрыс емес немесе толық емес дербес деректерді түзетуді немесе оларды жаңартуды талап етуге;
- дербес деректерді жинау, өңдеу талаптарының бұзылғаны туралы ақпарат болған жағдайда өзінің дербес деректерін бұғаттауды талап етуге;
- Қазақстан Республикасының заңнамасын бұза отырып жиналған және өңделген өзінің дербес деректерін, сондай-ақ Қазақстан Республикасының заңнамасында белгіленген өзге де жағдайларда жоюды талап етуге;
- дербес деректерді жинауға және өңдеуге берген келісімін кері қайтарып алуға;
- осы Саясатта және Қазақстан Республикасының заңнамасында көзделген өзге де құқықтарды жүзеге асыруға
11.2 Көрсетілген құқықтарды жүзеге асыру үшін Пайдаланушы осы Саясатта көрсетілген электрондық пошта мекенжайына жүгінуі тиіс.
11.3 Пайдаланушы өзінің дербес деректерін өңдеуге берген келісімін кері қайтарып алу құқығын жүзеге асырған жағдайда, егер оларды сақтау немесе өңдеу Қазақстан Республикасының заңнамасына сәйкес талап етілмесе, Компания он бес жұмыс күні ішінде дербес деректерді өңдеуді тоқтатады не Пайдаланушыға дәлелді бас тартуды ұсынады.
11.4. Дербес деректерді өңдеуге берілген келісімді кері қайтарып алу Пайдаланушының Қосымшаны одан әрі пайдалануын мүмкін емес етеді. Мұндай жағдайда Пайдаланушының есептік жазбасын Компания жоюға тиіс.
12. Дербес деректердің қауіпсіздігі
Компания дербес деректерді мыналардан қорғау үшін қажетті ұйымдастырушылық және техникалық шараларды қолданады:
• рұқсатсыз қол жеткізуден;
• өзгертуден;
• жария етуден;
• жоюдан
13. Кәмелетке толмағандардың деректері
13.1 Қосымша 18 жасқа толмаған тұлғаларға арналмаған.
13.2 Компания кәмелетке толмағандардың дербес деректерін саналы түрде жинауды жүзеге асырмайды.
14. Саясатқа өзгерістер енгізу
14.1 Компания осы Саясатқа кез келген уақытта өзгерістер мен толықтырулар енгізу құқығын өзіне қалдырады.
14.2 Саясаттың өзекті нұсқасы әрқашан Қосымшада қолжетімді.
14.3 Пайдаланушы осы Саясатқа енгізілген өзгерістер мен жаңартуларды өз бетінше қадағалауға міндеттенеді. Саясатқа өзгерістер енгізілгеннен кейін Қосымшаны пайдалануды жалғастыру Пайдаланушының осындай өзгерістермен келісуі болып есептеледі. Саясатқа енгізілген өзгерістер мен жаңартулар Қосымшада жарияланған сәттен бастап күшіне енеді.
14.4. Егер Пайдаланушы Саясатқа енгізілген өзгерістер мен жаңартулардың талаптарымен келіспесе, ол Қосымшаны пайдалануды тоқтатуға және өзінің есептік жазбасын жоюға міндетті, сондай-ақ Компанияға өзінің дербес деректерін жою туралы жазбаша талап жіберуге құқылы.
15. Байланыс ақпараты
Дербес деректерді өңдеу мәселелері бойынша Пайдаланушы мына мекенжайға жүгінуі тиіс: "FATON" жауапкершілігі шектеулі серіктестігі
Электрондық пошта: info@faton.kz